مشاهدة النسخة كاملة : تربيةالارانب كمشروع صغير
samar vet 10-08-2009, 08:12 PM السلام عليكم
انا عندى معلومات صغنونة كدة عن الارانب حبيت اقولها وعلى فكرة هى من مصدر موثوق فيه
اولا عند التفكير فى تربية الارانب لابد اولا من معرفة الهدف من التربية وبالرغم من ان الارانب عادة مشروع مربح بس فقدان الهدف قد يسبب فشله
الارانب تربيتها عادة قد تكون من اجل 1-انتاج اللحم وهو اهم هدف وقد تكون من اجل2- انتاج الفرو وهو هدف غير متاح فى مصر او من اجل 3- الزينة وعرضه فى المعرض واهم الدول فى ذلك هى ايطاليا
انا ان ده كلام قد يكون عام لبعض الناس بس اكيد فى البعض ليس لديه فكرة
المهم
هنقسم مع بعض تربية الارانب الى 1- الهدف من التربية (وده قولنه)
2- المكان : وطبعا لانى بتكلم فى حدود مشروع صغير فحجرة 3م*3م حلوة وكمان يكون بها شباك 1م*1م وهذة تكفى لبطارية واحدة وممكن وضع اتنين بس نضع شفاط (مش مروحة لان المروحة هتلف الهوا وهيبقى خطر على تنفس الارنب )
3- اربى ازاى وده معلش هيتاجل لغاية بكرة بس
بس فى ملحوظة ضغيرة عاوزة اقولها بعض الناس بيكرهوا تربية الارانب فى الصيف بسبب ارتفاع درجة الحرارة انا معاكوا درجة الحرارة العالية بتعمل ضغط للحيوان بس احنا ممكن نحل الموضوع ده ببساطة لو وضعنا فوق البطاريات اكياس ثلج ومفيش داعى لوقف المشروع كله
فى بقى كلمة اخيرة منى او بمعنى اصح استاذى قلها لى "كن جريئا ليس متهور وليس متردد" والسلام عليكم لغاية بكرة بقى .
د\سعاد 11-08-2009, 12:09 AM جزاك الله خير يد دكتور
فعلا مشروع الارانب مربح جدا
انا شخصيا افضل لنى اربى ارانب
و معلومات حضرتك شئ اساسى اننا نعرفه
loulia 11-08-2009, 12:18 AM اسمحيلي اقولك يادكتور.......samar vet ان اسلوبك في تناولك للموضوع اكثر من رائع..........عرضك للمعلومات مميز.....في انتظار بقية التفاصيل بفارغ الصبر................
"كن جريئا ليس متهور وليس متردد" ...........كلمة في صميم.......
Dr.katkot 11-08-2009, 01:19 AM موضوع جميل وشكرا علي المعلومات
فارس الكلمة 11-08-2009, 02:01 AM مشكور
اكتر شي عجبني في الموضوع تحديد الهدف لان عدم تحديده سيفشل المشروع
و الحقيقة انك ممكن تعمم الكلام هدا على الحياة بشكل عام
اتقبل مروري دكتور
dr/wAM 11-08-2009, 05:50 AM جزاك الله خيرا
وفي انتظار المزيد عن الارانب
dr_ebrahim 11-08-2009, 12:49 PM --------------------------------------------------------------------------------
جزاك الله خيرا
وفي انتظار المزيد عن الارانب
vetforyou 11-08-2009, 01:04 PM انا عندي قاعده ناحية الارانب هي( ربي ابنك ولا تربي ارنب)
samar vet 11-08-2009, 01:57 PM السلام عليكم
ف البداية شكرا ع المشاركات الجميلة ؟؟
بالنسبة لباقى الموضوع
طبعا انا الاول لازم اشترى امهات والمفضل انها تكون نيوزلندى ابيض لان ده احسن نوع تقريبا ف انتاج اللحم وياريت كمان يكون عندى الركس وهو معروف ف مصر بالونه الاسود لكن هو لية الوان عديدة وهنعرف لية هو مفضل كمان شوية
هيتم وضعالامهات ف البطاريات
ويتم وضع 1 جم نيومايسين سلفات / لتر ماء لمدة 3 أيام
ثم راحة يومان ثم 1 سم فيتامين Ad3e / لتر ماء لمدة 3 أيام
ويتم تسجيل دوري للأوزان كل أسبوعين في سجل منفصل وعلى فكرة التسجيل ده مهم جدا حتى لو كان مشروع صغير
ويتم بدأ تلقيح الأمهات التي تجاوز وزنها 2.5 كجم .
عملية التلقيح
تنقل ألام الى الذكر الذي يماثلها في اللون ان أمكن ذلك والذكور توجد في عيون منفصلة عن الأمهات ولا تترك الأمهات معها في العين بل يتم تعريض ألام للذكر لمدة دقيقتين ان لم يلقحها تعود الى مكانها وتعاد الكرة إما بعد ساعة أو في اليوم التالي وإذا حدث التلقيح يتم ملاحظة الفتحة التناسلية للام حيث يمكن رؤية اثر سائل التلقيح.
عند تمام التلقيح يفضل ان لا يلقح الذكر الا في اليوم التالي أو بعد التالي حسب كثافة التلقيح إما ألام يتم تسجيل رقمها ورقم الذكر الذي لقحها وتاريخ التلقيح وتاريخ الجس المتوقع وذلك في سجل على شكل جدول مخصوص للعملية الإنتاجية (جدول رقم واحد ) ويفضل التسجيل ايضا في السجل اليومي للمزرعة ( كشكول كل صفحة تمثل يوم )
عملية الجس
يتم جس الأرنب ( معرفة هل ألام حامل أم لا ) بعد عشرة أيام على الأقل ويمكن حتى اليوم الخامس عشر وذلك بتحسس النصف الأخير من البطن والبحث عن كرات اكبر قليلا من الذبل وحساسية الجس تزداد بالممارسة في حالة ألام حامل (عشار) يكتب في سجل الامهات (جدول رقم 1) علامة موجب وتاريخ تركيي بيت الولد وهو بعد التلقيح ب25 يوم ولو ألام غير حامل يعاد تلقيحها مرة أخرى.
الولادة
ألام تلد بعد التلقيح ب 31 يوم ويتم تركيب بيت الولد قبل الولادة ب6 أيام ويفضل استخدام التبن لفرش بيت الولد, ويلاحظ عند اقتراب موعد الولادة امتناع ألام عن الأكل وتقوم بنتف شعر من البطن والاجناب وتخلطه بالتبن لتكون عش مريح للصغار وتفضل الأرانب الولادة ليلا في هدوء, وعند ملاحظة اى خلفة حية مولودة على السلك خارج بيت الولادة يتم إدخالها لبيت الولد وعند انتهاء الولادة يتم التخلص من الخلفات النافقة وفضلان الولادة من مشيمة أو دماء مختلطة بالتبن , وفى الولادات الأولى للأرنب قد لا تنتف الشعر أو ترضع النتاج أو تفترسهم لذ يعطى لها الفرصة لولادة أخرى إذا تكرر الأمر يقضل ان يتم استبعاد ألام , بعد الولادة ب 12 ساعة يتم حقن ألام بتيراميسين طويل المفعول 1سم/عضل وبعد 12ساعة أخرى تحقن 2 سم كال دى ماج تحت الجلد ببطء شديد مع التنبيه ان يتم تدليك مكان الحقن جيدا.
بالنسبة بقى للرعاية فى قاعدةدكتور عندنا قال عليها
الارنب يومه ف الرحم ب 3 ايام بره ويومه جنب الام ب6 ايام من نموه بعد الفطام
الفطام
يتم الفطام على عمر يناسب نظام التربية الا انه من الأفضل ان لا يقل عمرو الفطام عن
35 يوم ويفضل نقل ألام الى عين فارغة بجانب العين التي بها النتاج وترك النتاج أنفسهم في مكانهم الذي اعتادوا عليه وهذه الطريقة تقلل صدمة الفطام ثم يمكن بعد ذلك بأسبوع على الأقل نقل النتاج وتوزيعه حسب أعداده.
فى بقى معلومة صغيرة عن حكاية الركس
طبعا بداية اى ارنبة عندها 8 حلمات للرضاعة ولكن ساعات تلد الام اكتر من 8 طب انا كدة اعمل اية ؟؟
الركس من الحيوانات اللى عندها امومة عالية جدا وتقبل التبنى بسهولة جدا من غير ما تفترس حد منهم وعلشان كدة كمان لازم القح كله ف يوم واحد علشان التبنى لان التبنى كمان بيتعمل لو الام ماتت
بالنسبة بقى لموضوع البطاريات يفضل شراء الحديد من نوع قديم لان الحديد اللى طالع جديد مشكلتة سلكه رفيع ومن عادة الام انها تحب تقعد تحت نبل المياة ودة مع مرور الوقت بيعمل منحدر مكانها وممكن يتسبب ف عمل كساح ومشاكل ف العرقوب ودة بالتالى بياثر ع الانتاج ولا اية رايكم ؟؟:a14:
بالنسبة للحيوان امل مايجيى عندك طبعا هيبقى ش ع بعضه ومش هياكل ويشرب كتير ويفضل وضع
فيتامين سى ف المياه علشان كمان اقللالضغط النفسى عنده
الارنب بقى حيوان لاينافس الانسان ف الطعام ممكن لو مربية عدد قليل حتى لو ف البت او زى ما قولنا مشرمع صغير بياكل ممكن بسكوت او باقى الاكل وكمان مش محتاج بروتين وع فكرة البروتين دايما اغلى حاجة فى عليقة الحيوانات دايما
كفاية كدة النهاردة وبكرة نكمل عشان ما نزهقش
السلام عليكم
ودية صورة النيوزلاندى الابيض
dr_ebrahim 11-08-2009, 02:15 PM شكرا يادكتوره علي المعلومات العظيمه دي
dr.ghazy 11-08-2009, 04:08 PM شكرااااااا على المعلومات القيمة
نتمنى منك المزيد
DR.AHMED YASSER 11-08-2009, 05:44 PM موضوعك رائع فقد فهمته ببساطه
واستفدت كثيرا واشكرك
واتمنى منك المزيك
واكثر ما اعجبنى هى حكمة استاذك فهى حكمة رائعة
وبارك الله فيكى
samar vet 11-08-2009, 11:30 PM السلام عليكم............................................. ازايكم ,ارجو من الله ان تكونوا جميعا بصحة وسلامة
فى حاجة صغنونة كدة انا فضلت اعملها ع هيئة اسئلة وابقوا قولو اية رايكم ؟؟!
دلوقتى انا اعرف منين الارنب العصنى من العادى واية اللى بيعصبه اصلا ؟؟
اولا العصبى بيكون مش ع بعضة ولاياكل ولايشرب ولو ام مابترضعش ولادها ويعقد يتنطط ف البطارية لكن العادى عكس كدة طبعا
بيبقى عصبى ليه ؟؟
اما نتيجة حد غريب دخل عليه (تعرفوا ان الارنب ما بيستحملش اكتر من 3 انفاس فى المكان وبكتيره اوى 5 )
او ان حضرتك اخرت عليه الاكل او رحت له قبل او بعد ميعادك لان هو بيعرف صاحبه كويس جدا والارانب ع فكرة من الحيوانات الاليفة اللى بتاخد ع الانسان بسرعة
او حد عمل ازعاج للام اثناء الولادة وع فكرة الازعاج اثناء الولادة ممكن يخلى الام تاكل ولادها
طب انا دكتور عسول ودخلت مزرعة ولقيت ارنب ما بينفسش كويس اعمل اية ؟؟
اديله antibiotic ولا اعمل اية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا بقى هاسيبكوا تفكروا وتجابوا ع السؤال ده ماشى ؟؟؟؟؟؟!
وبصواا لصورة دية اكبر ارنب ف العالم :a17:
samar vet 15-08-2009, 09:15 PM :a48:اية دكاترة محدش يعنى جواب ع السؤال
عموما
طبعا انا مش هاعطى الارانب اى دوا قبل ماشوف نبل المياة لان ممكن تكون مش شغالة والارانب عطشانة وترتب على ذلك ان حصل (dehydration) وبكدة هياثر ع التنفس
وع فكرة فى ناسسسسسسسسسسس كتير مابتنتبهش للحكاية دية وبتدى دوا وبرضه طبعا الارانب ممكن تموت ف الاخر
طيب هاقولكو سؤال تانى بس عايزة حد يعبرنى المرة دى حد يلجماعة لو غلط انقاش ولغة الحوار احسن طريق للفهم والحفظ السسسسسسريع للمعلومة
انا لما اشترى الذكر من مزرعة عشان اربيه والقح بيه اشترى ذكر كبير ولية اه ولية لا ؟؟؟؟
samar vet 25-08-2009, 01:27 AM :a01::a005:انا عايزة شوية تفاعل
حد يرد عليا
نسرينا2100 09-09-2009, 03:19 AM انا بتفاعل اهو متزعليش موضوعك جميل وانا سجلت الصفحه على الجهاز
في رأيي بلاش ذكر كبير احنا ممكن نجيبه صغير قبل الموسم بشهرين لان مش اي مزرعه حتفرط في ذكر كبير وشغال بسهوله
احمد الفخرانى 23-09-2009, 03:14 PM :a10::a10::a10::a10::a10:
رائع يا سمر ولكن يتبقى الكثير
samar vet 23-09-2009, 08:00 PM انا بتفاعل اهو متزعليش موضوعك جميل وانا سجلت الصفحه على الجهاز
في رأيي بلاش ذكر كبير احنا ممكن نجيبه صغير قبل الموسم بشهرين لان مش اي مزرعه حتفرط في ذكر كبير وشغال بسهوله
شكرا ليكى نسرينا
هو احنا فعلا مش هنجيب ذكر كبير وده لان الذكر الكبير مش هيقدر يدينى نتيجة تلقيح زى الصغير
وباعكس المزرعة بتبقى عايزة تبيعه وتخلص منه لانه ف الغالب قدرته ع التلقيح بتقل
samar vet 23-09-2009, 08:01 PM :a10::a10::a10::a10::a10:
رائع يا سمر ولكن يتبقى الكثير
شكرا د\احمد على التشجيع وان شاء الله هاحاول اكمل ومحتاجين مساعدتك بقى
angelvert 17-02-2010, 10:47 PM والله الف الف شكر على الموضوع
اريد اعرف لما هذا الحقن
---------------------------
بعد الولادة ب 12 ساعة يتم حقن ألام بتيراميسين طويل المفعول 1سم/عضل وبعد 12ساعة أخرى تحقن 2 سم كال دى ماج تحت الجلد ببطء شديد مع التنبيه ان يتم تدليك مكان الحقن جيدا.
---------------
ثانيا لما افطم اﻻرنب اخذ كل يوم ارنب واضعه فى بطارية فاضية بجوار اﻻم حتى يتم العدد كاملا وليس العكس
مشكلة عويصة للغاية وهى وﻻدة الام خارج البيت الولادة وذلك يسبب خسارة رهيبة جدا
لان الولادة تحدث فى اى وقت فى اليوم وانت وحظك تجدهما احياء او اموات فتكون كارثة خاصة لو العدد كبير 10 مثلا والاكثر فداحه ووجدتهم احياء ونقلتهم الى بيت الولادة وترفض الام الرضاعه فتكون الامر مميت للشخص
د:ياسر الغنام 18-02-2010, 05:56 PM معلومات جميلة وياريت تنفذ مع احد الاصدقاء ليكون اتحاد خير وتعاون مثمر وشراكة فيها بركة
عاشق الارانب 23-03-2010, 07:15 PM :a19:شكرا يا دكتور ولكن ....... لي تعقيب بالنسبه لخط المياه انصح الاخوه المبتدئين بغسله بعد كل مره يتم وضع اي اضافات في تنك المياه مع عمل غسيل وتطهير دوري كل 15 يوم التطهير باضافة اليود في التنك بالنسب المقرره علي العبوه وهذا من باب الوقايه خيرا من العلاج :a18:
على عمار 25-09-2011, 02:37 AM جزاكى الله خيرا
م ز سمير زهران 27-09-2011, 11:31 AM شكرا يا دكتوره على الطريقه اللذيذه في عرض المعلومه
واسمحي لي ان اقول رايي على سؤال حضرتك
(بالنسبة بقى لموضوع البطاريات يفضل شراء الحديد من نوع قديم
لان الحديد اللى طالع جديد مشكلتة سلكه رفيع
ومن عادة الام انها تحب تقعد تحت نبل المياة ودة مع مرور الوقت بيعمل منحدر مكانها
وممكن يتسبب ف عمل كساح ومشاكل ف العرقوب ودة بالتالى بياثر ع الانتاج ولا اية رايكم ؟؟)
هو مفيش شك ان البطاريات القديمه كجوده احسن من الجديده
بشرط ان تكون بحاله جيده وتم تطهيرها بالحرق للقضاء على المسببات المرضيه
واكبر مشكله للبطاريات الجديده ان خامتها اقل وبالتالي عمرها الافتراضي قليل
|